－《台灣翠青》 - 鄭兒玉作詞
太平洋西南海邊，
美麗島臺灣翠青。
早前受外邦統治，
建國今在出頭天。
共和國憲法的基礎，
四族群平等相協助。
人類文化世界和平，
國民向前貢獻才能。

《嘸通嫌台灣》- 林央敏作詞/蕭泰然作曲
咱若愛祖先　請你嘸通嫌台灣　
咱若愛祖先　請你嘸通嫌台灣
土地雖然有卡隘　土地雖然有卡隘
阿爸的汗　阿母的血　沃落鄉土滿四界

咱若疼子孫　請你嘸通嫌台灣　
咱若疼子孫　請你嘸通嫌台灣
也有田園也有山　也有田園也有山
果籽的甜　五穀的香　予咱後代吃未空

咱若愛故鄉　請你嘸通嫌台灣　
咱若愛故鄉　請你嘸通嫌台灣
雖然討趁無輕鬆　雖然討趁無輕鬆
認真打拼　前途有望　咱的幸福未輸人